|
nit nur dr abstieg in die zweithöchschti spielklass vo dr schwiz, sondern au d’änderig vom baslerstab zum "haifisch" het uns drzue brocht als fan gruppierig vom ehc basel abstand z' näh.
an dr generalversammlig im 2010 isch es den ändlig so wit gsi wo ganzi 5 hanse agfrässeni, d‘ hanse basel zum offizielle fanclub vo de rhinos yatzy bestumme hän.
do die meischte vo uns sälber sit langem hockey spiele, und au bi de yatzy im isatz sin, hän mir bschlosse emol uf zueseh hi dä fanclub uf bei d'stelle.
zur zyt simmer rund 12 hanse, an de yatzy - match wärde dir aber meischtens die gliiche ca. 4 - 5 lüt aträffe.
das het relativ e simple grund, mir hän uns bi de abstimmig entschiede einersits als fan - gruppierig wo d' rhinos yatzy bi de spiel untersützt, und andersits e art klikke zsi, wo sich bi gläägeheit au in de freizyt trifft und sache unternimmt (usgang, usflüg, ski-board-weekends usw), das het sich ergä, do unseri wiibliche hanse nit alli soo “hockey-friiks“ sin.
wenn immer möglich wärde mir aber an den mätsch verträte si, isch no schwär, mir hän viel wo schicht schaffe, somit au nit an
jedem alass könne ko.
|
